Google workspace for education

Aðgerðir til að lágmarka áhættu

Áhættumat á hugbúnaðinum

Búið er að fara yfir alla þætti kerfisins sem eru notaðir í skólum og leggja mat á þá áhættu sem fylgir notkun þess. Slökkt hefur verið á þáttum sem ekki uppfylla kröfur okkar um persónuvernd nemenda.

Stillingar á aðgangi nemenda

Búið er að fara í gagngera endurskoðun á öllum nemendastillingum og áhrifum þeirra. Stuðst var við úttekt hollenska ríkisins á ráðlögðum stillingum og aðgangsstýringu nemenda að öllum þáttum Google Workspace for Education.

Fræðsla og leiðbeiningar

Búið er að útbúa vinnureglur fyrir starfsfólk og aðra sem koma að kerfinu um hvernig við eigum að umgangast það með tilliti til persónuverndar nemenda. Nemendur fá svo hefðbundna fræðslu í gegnum upplýsingatæknina um persónuvernd og þýðingu hennar.

Aðgangur að innskráningu til þriðja aðila

Ekki er lengur hægt að nota Google netfang skólans til að skrá sig hjá þriðja aðila eins og áður var hægt. Nú er öllum aðgangi nemenda með skólanetfangi stýrt í gegnum miðlægt kerfi skólanna. Einungis er hægt að skrá sig hjá aðilum sem við höfum samþykkt og uppfylla okkar mat á persónuvernd.

Samskipti utan kerfis

Búið er að loka fyrir eins og hægt er að nemendur geti haft samband og samskipti við aðila og þjónustur utan kerfis skólans með skólanetfanginu sínu. Opið er fyrir að nemendur geti áfram haft rafræn samskipti við kennara og samnemendur innan kerfis skólans.

Prófílmyndir og fleira

Ekki er hægt að setja inn prófílmyndir nemenda þar sem sumar þjónustur safna þeim upplýsingum þegar nemendur skrá sig inn á þær. Einnig höfum við takmarkað aðrar aðgerðir nemenda til að bæta öryggi og veita meiri persónuvernd.