Kennsluforrit

Notkun kennsluforrita á Akureyri útskýrð

Um síðuna

Á þessari síðu finnur þú upplýsingar um helstu kerfi, forrit og öpp sem notuð eru með nemendum í grunnskólum Akureyrarbæjar. Síðan er í stöðugri þróun og verður uppfærð reglulega í takt við tækniframfarir. Ný forrit bætast við eftir þörfum og eldri forrit gætu vikið.

Við hvetjum foreldra og aðra aðstandendur til að kíkja reglulega hingað til að kynna sér hvaða tæknilausnir eru nýttar í skólaumhverfinu. Hér er að finna lýsingar á forritunum, hvaða hlutverki þau gegna og hvernig þau styðja við nám og kennslu nemenda..

Skólarnir og persónuvernd

Almenn persónuvernd

Við erum mjög meðvituð um mikilvægi góðrar persónuverndar þegar kemur að notkun tækni í grunnskólum Akureyrarbæjar. Fræðslusvið leggur mikla áherslu á að allir verkferlar séu skýrir og að gæði allra forrita og lausna séu metin, bæði með tilliti til kennslufræði og persónuverndar nemenda.

Fræðsla og upplýsingagjöf

Kennarar og nemendur fá reglulega fræðslu og upplýsingar um mikilvægi þess að fylgja góðum vinnubrögðum í tengslum við persónuvernd. Við leggjum áherslu á að allir skilji hvernig tæknin er notuð á ábyrgan hátt og af hverju það skiptir máli að tryggja gögn nemenda. Þessi fræðsla hjálpar til við að skapa öruggt og ábyrgðarfullt námsumhverfi.

Aðgengi og gagnsæi

Við leggjum áherslu á gagnsæi í vinnubrögðum og viljum tryggja að bæði foreldrar og aðrir hagsmunaaðilar hafi greiðan aðgang að upplýsingum um hvaða tæknilausnir eru notaðar, tilgang þeirra og hvernig gögn eru meðhöndluð. Þessi síða er hluti af þeirri skuldbindingu og verður uppfærð reglulega til að tryggja að allt sé í samræmi við nýjustu persónuverndarkröfur.

Nánari upplýsingar